შეერთებული შტატების ვიცე-პრეზიდენტი მაიკ პენსი, აზიური ტურნეს ფარგლებში, სამხრეთ კორეას ეწვია.

პენსის ტურნე მიზნად ისახავს ამერიკის თანადგომის დემონსტრირებას მოკავშირე ქვეყნებისადმი, განსაკუთრებით კი ბოლო პერიოდში ჩრდილოეთ კორეის მიერ ბალისტიკური რაკეტების გამოცდების ფონზე.

აღსანიშნავია, რომ დღეს დილით ფხენიანის მიერ ბალისტიკური რაკეტის გაშვების ბოლო მცდელობა წარუმატებელი აღმოჩნდა.

პენტაგონის ინფორმაციით, რაკეტა გაშვების დროს ჰაერში აფეთქდა.