იერუსალიმში ქართველი მორწმუნეების ნაწილი იმყოფება. საქართველოს მოქალაქეებს, საჭიროების შემთხვევაში, საგარეო საქმეთა სამინისტრო მოუწოდებს უწყების ცხელ ხაზზე დარეკონ.

როგორც სამინისტროს განცხადებაშია ნათქვამი, აღდგომის დღესასწაულის მოახლოებასთან დაკავშირებით, კიდევ უფრო გამკაცრებულია ისრაელის საზღვრის კვეთის პროცედურები და, შესაბამისად, გამგზავრების მსურველებმა ზედმიწევნით უნდა დაიცვან საზღვრის კვეთისთვის დადგენილი მოთხოვნები.

საგარეო უწყება მოქალაქეებს, რომელთაც აქვთ ჯანმრთელობის პრობლემები, აფრთილებს, რომ მოსალოდნელი ხალხის სიმრავლის გამო, რეკომენდებულია თავი შეიკავონ მაცხოვრის ტაძარში მისვლისგან. ის პირები კი, რომლებიც დაესწრებიან ცეცხლის გადმოსვლის ცერემონიას, უნდა დაემორჩილონ პოლიციის პირველივე მითითებას მათი ადგილმდებარეობის შეცვლასთან დაკავშირებით.

იმ შემთხვევაში, თუ მოქალაქე დაიკარგა ძველ ქალაქში, დაუყოვნებლივ უნდა მიმართოს პოლიციას ტელეფონის ნომერზე: +972 26226100 და დაუკავშირდეს საქართველოს საელჩოს საკონსულო სამსახურს“, - ნათქვამია საგარეო საქმეთა სამინისტროს განცხადებაში.