საქართველო ყველაზე უსაფრთხო ქვეყნებს შორის 29-ე ადგილს იკავებს, ამის შესახებ აღნიშნულია მოგზაურობისა და ტურიზმის კონკურენტუნარიანობის ინდექსის 2017 წლის ანგარიშში, რომელიც მსოფლიო ეკონომიკურმა ფორუმმა მოამზადა.

ამ მაჩვენებლით საქართველო უსწრებს ისეთ ქვეყნებს, როგორებიცაა ჩეხეთი, მალტა, ბელგია, სომხეთი და აზერბაიჯანი. საქართველო უსწრებს ასევე რუსეთის ფედერაციას, რომელიც უსაფრთხო ქვეყნების ჩამონათვალში 109-ე ადგილზეა.

136 ქვეყანას შორის ყველაზე უსაფრთხო სახელმწიფოდ ფინეთი დასახელდა, მეორე ადგილს იკავებს არაბთა გაერთიანებული საემიროები, მესამეს - ისლანდია.

უსაფრთხო ქვეყნების რეიტინგში ბოლო ორ ადგილს იემენი და კოლუმბია იკავებენ.