სავალუტო ფონდის ბორდმა, საქართველოს 285-მილიონიანი პროგრამა დაუმტკიცა, ეკონომიკის ზრდის პროგნოზი კი შეამცირა.

ფონდის აღმასრულებელ დირექტორთა საბჭომ, საქართველოსთვის ახალი 3-წლიანი პროგრამა დაამტკიცა, რომლის ფარგლებშიც გამოიყოფა დაახლოებით 285 მლნ. დოლარი და ის სავალუტო რეზერვებში მიემართება.

რაც შეეხება ეკონომიკის ზრდის პროგნოზს, ის ფონდმა 5 %-იდან 3,5%-მდე შეამცირა. ფონდის პროგნოზით, ინფლაცია ეროვნული ბანკის 4%-იან სამიზნე მაჩვენებელს გადააჭარბებს, წინა პერიოდში ვალუტის გაუფასურების, მაღალი სასაქონლო ფასების და აქციზის ზრდის გამო.

ინფლაცია ქვეყანაში სამიზნე მაჩვენებელს 2018 წელს გაუტოლდება.

სავალუტო ფონდის გადაწყვეტილებები დღეს ფინანსთა მინისტრმა შეაჯამა.