კერძო სექტორის დახმარება მცირე საოჯახო სახლებს.

სოფელ გლდანში მდებარე მცირე საოჯახო სახლს ბიბლიოთეკა გადაეცა. საბავშვო ლიტერატურა და მსოფლიო ლიტერატურის შედევრები მცირე საოჯახო სახლის ბიბლიოთეკას შეავსებს.

ამ სახლში სახელმწიფო ზრუნვაში მყოფი 9 ბავშვი იზრდება, რომელთა ასაკი 7-დან 16 წლამდეა. ისინი საოჯახო სახლში დედობილ-მამობილთან ცხოვრობენ. საჯარო სკოლაში სწავლობენ და სხვადასხვა წრეებში არაფორმალურ განათლებას იღებენ.

მცირე საოჯახო სახლი არასამთავრობო ორგანიზაცია „დივაინ ჩაილდს“ ეკუთვნის, რომელსაც კიდევ 3 მცირე საოჯახო სახლი აქვს თბილისსა და მცხეთაში.

ბიბლიოთეკა მცირე საოჯახო სახლს სადაზღვევო კომპანია „აი სი გრუპმა“ გადასცა.

კომპანია სოციალური მომსახურების სააგენტოსთან დიდი ხანია თანამშრომლობს და სახელმწიფო ზრუნვაში მყოფ ბავშვებს ბიბლიოთეკებს საჩუქრად გადასცემს.