აზერბაიჯანი ჩინური აბრეშუმის გზის პროექტში ჩართვით ინტერესდება და იმედოვნებს, რომ ამით ქვეყანაში ჩინურ ინვესტიციებს გაზრდის.
თავის მხრივ, ჩინეთი დაინტერესებულია გლობალურ ტრანზიტულ პროექტში ბაქოს პარტნიორობით.
ანალიტიკოსები „აბრეშუმის გზის’ პროექტში აზერბაიჯანის შემოსვლას ბაქო-თბილისი-ყარსის რკინიგზის დასრულების შემდეგ ვარაუდობენ.
როგორც ცნობილია ეს სარკინიგზო ხაზი სატრანზიტო კორიდორებით ჩინური აბრეშუმის გზასთან არის დაკავშირებული.
როგორც ამერიკული ანალიტიკური ცენტრის „ჯეიმსტოუნ ფაუნდეიშენში“ გამოქვეყნებულ სტატიაშია ნათქვამი - აბრეშუმის გზის ეკონომიკური სარტყელი, სამხრეთ კავკასიის რეგიონის ინფრასტრუქტურის განვითარებაში უმნიშვნელოვანეს როლს შეასრულებს და უზრუნველყოფს ნავთობის, ბუნებრივი აირისა და სხვა ტვირთების ტრანზიტს ,როგორც აღმოსავლეთიდან დასავლეთის, ისე სამხრეთიდან ჩრდილოეთის მომართულებით.