მთავრობამ დღევანდელ სხდომაზე „ევროკავშირსა და ნატო-ში საქართველოს გაწევრიანების კომუნიკაციის 2017-2020 წლების სტრატეგია“ დაამტკიცა.
ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის, ვიქტორ დოლიძის განცხადებით, ჩარჩო დოკუმენტი მოიცავს ყველა იმ ნაბიჯს, რომელიც ეწინააღმდეგება პროპაგანდისტულ მიზნებს, ძალიან სწორ სამთავრობო ნაბიჯებს და მოსახლეობის ცნობიერების ამაღლებას ნატო-სა და ევროკავშირში გაწევრიანების თვალსაზრისით.
„ეს იყო მნიშვნელოვანი გადაწყვეტილება, განსაკუთრებით მას შემდეგ, რაც საკანონმდებლო ორგანომ გასულ წელს თავისი მკაფიო პოზიცია დააფიქსირა ნატო-სა და ევროკავშირში გაწევრიანებასთან დაკავშირებით, როგორც საგარეო, ისე შიდა პოლიტიკის კუთხით, რომ ეს არის ჩვენი ქვეყნის საზრუნავი“, - აღნიშნა ვიქტორ დოლიძემ.