კომპანია "სოკარის" გაზის გადამამუშავებელი და ნავთობქიმიური კომპლექსი, 2022 წლის პირველ კვარტალში ამოქმედდება - ამის შესახებ ბაქოში მიმდინარე კასპიის ენერგეტიკულ ფორუმზე განაცხადეს. ცნობილია, რომ კომპლექსს ნედლეულით "სოკარი" მოამარაგებს და ის წელიწადში 10 მილიარდ კუბურ მეტრ ბუნებრივ აირს გადაამუშავებს. საწარმოს მიერ გამოშვებული ქიმიური პროდუქციის ნახევარი ექსპორტზე თურქეთში გავა, ნახევარი კი ადგილობრივ ბაზარს, დასავლეთ ევროპას, ჩინეთსა და რუსეთს მოამარაგებს.

პროექტი 4 მილიარდ დოლარად არის შეფასებული, დაფინანსების 30 პროცენტს კომპანია "სოკარი" დაფარავს, დანარჩენს კი სხვადასხვა საფინანსო ინსტიტუტები.