ბათუმის 11-12 მარტის მოვლენების გამო სამართალდამცავები სახალხო დამცველისგან შენიშვნას იღებენ.
ომბუდსმენის თქმით, არეულობის დროს პოლიციის თანამშრომლებმა რეაგირება დააგვიანეს. უჩა ნანუაშვილის აზრით, უნდა გაანალიზდეს, რამდენად მზად არიან უსაფრთხოების სამსახურები და სამართალდამცავი უწყებები, რომ მსგავს კრიზისს დროულად და ეფექტურად გაუმკლავდნენ.
ადამიანის უფლებათა დაცვის კომიტეტში გამოთქმულ შენიშვნას შინაგან საქმეთა მინისტრის მოადგილემ უპასუხა და თქვა, რომ ეს იყო დაუგეგმავი აქცია, შესაბამისად რისკები და საფრთხეები წინასწარ არ იყო შეფასებული.
საკითხს მწვავე დაპირისპირება მოჰყვა საპარლამენტო უმრავლესობასა და უმცირესობას შორისაც. დღევანდელ ანგარიშში უჩა ნანუაშვილი სამართალდამცავების მხრიდან ძალის შესაძლო გადამეტების ფაქტების გახშირებასაც შეეხო.