მსოფლიოს ყურადღება მოსკოვისკენაა მიმართული. ვლადიმერ პუტინი ამერიკის შეერთებული შტატების სახელმწიფო მდივანს ხვდება, თუმცა, ბოლო წუთამდე აუდიენციის გამართვა კითხვის ნიშნის ქვეშ იყო.

სწორედ ამ შეხვედრაზე იქნება დამოკიდებული, მოახერხებენ თუ არა მხარეები შეთანხმებას სირიის საკითხზე, რომელმაც ორი ქვეყნის ურთიერთობა ბოლო ერთ კვირაში კიდევ უფრო გაამწვავა.

პუტინთან შეხვედრამდე რექს ტილერსონი სერგეი ლავროვმა მიიღო. აუდიენციის შემდეგ გაკეთებულმა განცხადებებმა კიდევ ერთხელ დაადასტურა, რომ არც ერთი მხარე დათმობაზე წასვლას არ აპირებს.