საკონსტიტუციო ცვლილებების პროექტის კენჭისყრამდე ორი კვირა რჩება. თუმცა კომისიაში რამდენიმე მთავარ საკითხზე კონსენსუსის მიღწევა ვერ ხერხდება. მათ შორისაა პრეზიდენტის არჩევის წესი.

სამუშაო ვარიანტში წერია, რომ სახელმწიფოს მეთაურს მმართველი გუნდის მიერ მხარდაჭერილი მოდელით - ანუ საარჩევნო კოლეგიის მეშვეობით აირჩევენ.

ინიციატივას საპარლამენტო და არასაპარლამენტო ოპოზიცია არ ეთანხმება. დავის საგანია პროექტის ის ნაწილიც, რომლის მიხედვით, ქვეყნის უზენაეს კანონში პარლამენტის ადგილმდებარეობა განსაზღვრული აღარ იქნება. ამ საკითხზე აზრთა სხვადასხვაობაა მმართველ პარტიაშიც.