საკონსტიტუციო ცვლილებების პროექტით იცვლება საარჩევნო სისტემა. არჩევნების შემდეგ პარლამენტში მანდატები მხოლოდ პროპორციული წესით განაწილდება. თუმცა ჯერ ისევ გაურკვეველია, როდიდან ამოქმედდება ახალი მოდელი.

მოთხოვნის დაკმაყოფილების მიუხედავად, ოპოზიცია და კონსტიტუციონალისტების ნაწილი მაინც უკმაყოფილოა. პროტესტს იწვევს პროექტის ის ნაწილი, რომლის მიხედვით, გადაუნაწილებელი მანდატები პირველ ადგილზე გასულ პარტიას ერგება. სადავოა ბარიერიც, რომელიც, არასაპარლამენტო პარტიების მოწოდების მიუხედავად, უცვლელად დარჩება.