ამერიკის შეერთებული შტატების სახელმწიფო მდივანი რექს ტილერსონი რუსეთში პირველი ოფიციალური ვიზიტით ჩავიდა.
აღნიშნული ვიზიტი სირიაში განვითარებული მოვლენების შემდეგ, აშშ-სა და რუსეთს შორის დაძაბული ურთიერთობების ფონზე დაიწყო. სავარაუდოდ, შეხვედრების მთავარი თემაც სირიის კრიზისი იქნება.
7 აპრილს, აშშ-მ ფრთოსანი რაკეტებით - Tomahawk-ებით დაბომბა სირიაში მდებარე სამხედრო აეროდრომი მას მერე, რაც სირიის რამდენიმე ათეული მშვიდობიანი მშვიდობიანი მოქალაქე ქიმიური თავდასხმის შედეგად დაზარალდა. მომხდარში, სირიის ხელისუფლების გარდა, რუსეთის შესაძლო მონაწილეობაც არ გამოირიცხება.
დაგეგმილია შეხვედრა რუსეთის საგარეო საქმეთა მინისტრ სერგეი ლავროვთან.
ამასთან, ჯერ არ ვრცელდება ოფიციალური ინფორმაცია, შეხვდება თუ არა აშშ-ის სახელმწიფო მდივანი ვლადიმერ პუტინს.