ატვირთვა
ავტორიზაცია რეგისტრაცია
5 857 513
ნახვა
319
ხელმომწერი
27 783
ვიდეო

ქრონიკული დაავადების მქონე 600 ათასამდე ადამიანი 30-მდე მედიკამენტს უფასოდ მიიღებს

გაზიარება შექმენი ლუპი
აპრილი 11, 2017
66
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

ცვლილება საყოველთაო ჯანდაცვის პროგრამაში.

ქრონიკული დაავადებების მქონე 600 000-მდე ადამიანი ივნისიდან 30-მდე დასახელების მედიკამენტს პრაქტიკულად უფასოდ მიიღებს.

ძირითადად საუბარია სოციალურად დაუცველებსა და პენსიონრებზე. სიახლესთან ერთად ჯანდაცვის მინისტრმა ფარმაცევტულ კომპანიებს სატენდერო პირობებიც გააცნო, რასაც ადგილობრივი მწარმოებლებისგან ნეგატიური რეაქციებიც მოჰყვა.

სახელმწიფო პროგრამა, რომელიც ქრონიკული დაავადების მქონე სოციალურად დაუცველებისა და მარტოხელა პენისონერებისთვის 30-მდე მედიკამენტის უფასოდ გადაცემას გულისხმობს, სავარაუდოდ, ზაფხულში ამოქმედდება. ამის შესახებ ჯანდაცვის მინისტრმა დავით სერგეენკომ ფარმაცევტული კომპანიების წარმომადგენლებთან შეხვედრის შემდეგ განაცხადა.

როგორც მინისტრმა აღნიშნა, პირველ ეტაპზე, საყოველთაო ჯანდაცვის პროგრამაში სამი მიმართულების - გულსისხლძარღვთა სისტემის, ენდოკრინოლოგიის ნაწილის და სასუნთქი სისტემის დაავადებებისათვის საჭირო მედიკამენტები დაფინანსდება.

„მაგალითად პენსიონერი, რომელიც თვეში საშუალოდ 20-30 ლარის მედიკამენტების შეძენას საჭიროებდა, ახალი პროგრამის დანერგვის შემდეგ, აღნიშნული წამლების შეძენას სიმბოლური თანაგადახდით, მაქსიმუმ თვეში 1 ლარად შეძლებს. ეს არ იქნება ერთჯერადი აქცია-ეს იქნება სახელმწიფო პროგრამა, რომელსაც მიმდინარე წელს გავაფართოვებთ. ბიუჯეტს რაც შეეხება, ეს კონკურსის შემდეგ გახდება ცნობილი, მაგრამ ამ ეტაპზე ვფიქრობთ, რომ ეს იქნება 5 მილიონი ლარის ფარგლებში“, -აღნიშნა მინისტრმა.

მისივე თქმით, ხარისხის კონტროლს გააკონტროლებენ უცხოური ლაბორატორიები, რადგან ამ ეტაპზე საქართველოში არ არის ამისათვის სპეციალურად აკრედიტირებული ლაბორატორია.

მაჩვენე მეტი