საქართველოს ადამიანის უფლებათა დაცვის სტრატეგიის განხორციელება, ძირითადი მიგნებები და სამომავლო ნაბიჯები - ამ თემებზე, დღეს, საქართველოს მთავრობის ადმინისტრაციამ პრეზენტაცია გამართა.
პრეზენტაცია საერთაშორისო ექსპერტის, მეგი ნიკოლსონის მიერ მომზადდა. მასში 2016 წლის 29 ოქტომბრიდან, 7 ნოემბრის ჩათვლით, ექსპერტის საქართველოში ვიზიტის ფარგლებში გამოკვეთილი მიგნებებია ასახული.
ზოგადი რეკომენდაციების გარდა ანგარიშში მოცემულია კონკრეტული რეკომენდაციები. კერძოდ, მართლმსაჯულების, პენიტენციური სისტემის, წამებისა და არასათანადო მოპყრობის პრევენციის და გამოხატვის თავისუფლების კუთხით.
ღონისძიებას საქართველოს პარლამენტის თავმჯდომარის პირველი მოადგილე, გაეროს განვითარების პროგრამის წარმომადგენელი და არასამთავრობო სექტორის წარმომადგენლები ესწრებოდნენ.