თბილისის მერიის “აუტიზმის დარღვევის მქონე ბავშვთა რეაბილიტაციის” ქვეპროგრამებში ცვლილებებია მოსალოდნელი. ამის შესახებ განცხადება დედაქალაქის საკრებულოში გაკეთდა.

ამ დროისთვის მერია კომპლექსურ თერაპიას 626 ბავშვს უფინანსებს, მომლოდინეთა სიაში კი 69 ბავშვია. ახალი პროექტით ცვლილება 3 ძირითადი მიმართულებით განხორციელდება: პროგრამაში დარეგისტრირებულ პირებს ის ბავშვები დაემატებიან, რომლებსაც პირველადი რეგისტრაციის ადგილად თბილისი უფიქსირდებათ და 2 წელი შეუსრულდათ. ასევე, თბილისში რაიონების მიხედვით შეცვლილი რეგისტრაციის მქონე ბავშვები. მოცდის პერიოდი კი თბილისში რეგისტრაციიდან 2 წლის ნაცვლად, 1 წლამდე შემცირდება.

საბოლოოდ მომზადებული პროექტი დასამტკიცებლად საკრებულოს წარედგინება.