ბუდაპეშტის ქუჩაზე, სადაც გუშინ გაჩენილი ხანძრის შემდეგ, სახანძრო-სამაშველო სამსახურის თანაშრომლებმა 70 წელს გადაცილებული მამაკაცის ცხედარი იპოვეს, ამ დრომდე მუშაობენ ექსპერტ-კრიმინალისტები.
როგორც „მოამბის“ კორესპონდენტი ადგილიდან იტყობინება, საცხოვრებელი ბინის შესასვლელთან შეინიშნება სისხლის კვალი.
როგორც საზოგადოებრივს შინაგან საქმეთა სამინისტროში განუცხადეს, ფაქტზე გამოძიება მიმდინარეობს, დანიშნულია შესაბამისი ექსპერტიზები და ტარდება ინტენსიური საგამოძიებო მოქმედებები.
შეგახსენებთ, თბილისში, ბუდაპეშტის ქუჩაზე საცხოვრებელ კორპუსში ხანძარი გუშინ გაჩნდა.
როგორც საგანგებო სიტუაციების მართვის სააგენტოში საზოგადოებრივს განუცხადეს, ადგილზე მისულ სამაშველო ბრიგადას ბინაში 70 წელს გადაცილებული მამაკაცის ცხედარი დახვდა.
მედიაში გავრცელდა მკვლელობის ვერსიაც, თუმცა შინაგან საქმეთა სამინისტრო აღნიშნულს ამ დრომდე არ ადასტურებს და საქმის დამატებით დეტალებზე არ საუბრობს.