დღევანდელ თარიღთან დაკავშირებული უნიკალური საარქივო მასალა გაასაჯაროვა შინაგან საქმეთა სამინისტროს არქივმა.

ახალი გამოცემა სახელწოდებით - 9 აპრილი საბჭოთა კავშირის უშიშროების კომიტეტის და პარტიული არქივის ფონდებში დაცულ მასალას აერთიანებს.

დოკუმენტებში დეტალურად არის აღწერილი 1989 წლის 9 აპრილს, თბილისში განვითარებული ტრაგიკული მოვლენები, ასევე თბილისიდან მოსკოვში გაგზავნილი დაშიფრული დეპეშები.

წიგნის პრეზენტაციას ეროვნულმა არქივმა უმასპინძლა. ღონისძიება 9 აპრილთან დაკავშირებული ფილმის ჩვენებით დასრულდა.