ატვირთვა
ავტორიზაცია რეგისტრაცია

ქართული მხარე ოკუპირებული ცხინვალის რეგიონში მიმდინარე ე.წ. არჩევნებს ეხმაურება

გაზიარება შექმენი ლუპი
აპრილი 9, 2017
82
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

ოკუპირებული ცხინვალის რეგიონში მიმდინარე ე.წ. არჩევნებთან და რეფერენდუმთან დაკავშირებით განცხადებას ავრცელებს საქართველოს პრეზიდენტი. „ეს ქმედება მიმართულია საქართველოს სუვერენიტეტისა და ტერიტორიული მთლიანობის წინააღმდეგ და უხეშად არღვევს საერთაშორისო სამართლის ძირეულ პრინციპებს. ამგვარი ქმედება წარმოადგენს უხეშ ზეწოლას საქართველოზე და მიზნად ისახავს ვითარების შემდგომ ესკალაციას შავი ზღვისა და სამხრეთ კავკასიის რეგიონში,“ - ვკითხულობთ განცხადებაში.

პრეზიდენტი მიმართავს საერთაშორისო თანამეგობრობას, მტკიცე პოზიცია დააფიქსიროს მეზობელი სახელმწიფოს სუვერენული საზღვრებისა და ტერიტორიული მთლიანობის ხელყოფის მორიგი მცდელობისა და რუსეთის პრივილეგირებული ინტერესების სფეროების პოლიტიკის მიმართ.

ოკუპირებული ცხინვალის რეგიონში მიმდინარე პროცესს გმობს საქართველოს საგარეო საქმეთა სამინისტრო და ასევე, განცხადებას ავრცელებს: „საერთაშორისო სამართლის თანახმად, ნებისმიერი ე.წ. არჩევნები ან რეფერენდუმი საქართველოს ოკუპირებულ ტერიტორიებზე არის უკანონო. საგარეო უწყება მიმართავს საერთაშორისო თანამეგობრობას, სათანადო შეფასება მისცეს ოკუპირებული ცხინვალის რეგიონში უკანონოდ მიმდინარე ე.წ. არჩევნებსა და რეფერენდუმს“.

მაჩვენე მეტი