და მე შენთან მოვალ ისევ ბავშვივით (სახლი ლურჯი ფანჯრებით)

Saly Betli - სახლი ლურჯი ფანჯრებით


შენ ხომ იცი რომ შენამდე მოვალ
მოვალ მოგიტან აპრილის იებს
ავიტან ყინვას წვიმას და თოვას
კარს თუ გამიღებ რა გამაციებს

ბებერი ჭადრის სიმღერა ისმის
და გულის ძგერას მიჩერებს ქარი
შენი ფანჯრიდან აღარ ჩანს ნისლი
შენს გვერდით დილა უღრუბლო არის



მისამღერი: და მე შენთან მოვალ ისევ ბავშვივით
მომეგებე ისევ ისეთი
თუ მეტყვი რომ ისევ ერთად ვიქნებით
მე მოვალ გპირდები, მე მოვალ გპირდები



ოთახის კედლებიც სუნთქავენ შენით
როცა მიდიხარ ფილტვებს იკლავენ
გზებით თუ ვერა მოვცურავ გემით
თუ შენი ხელები კვლავ ჩამიკრავენ

თუ შენი თვალები მეტყვიან ისეევ
რომ უსაზღვროა შენი გრძნობები
არ წავალ შენგან მეტს ვერ მოვითმენ
ნუ დახრი თავს და ნუ დამემშვიდობები

შენ ჩემი ზღვა ხარ მე შენი ნაპირი
მზის ჩასვლის შემდეგ მიყვები ზღაპრებს
ჩვენში ქარია სულ სხვანაირი
ჩვენს გარდა ეს ქარი არავის ანგრევს

შენი თვალები მზეზე მეტია
ჩემი სახლი ხარ ლურჯი ფანჯრებით
ჩვენს შორის ახლა არცერთი მეტრია
ყოველი საზღვარი მოვხაზე ფანქრებით




მისამღერი: და მე შენთან მოვალ ისევ ბავშვივით
მომეგებე ისევ ისეთი
თუ მეტყვი რომ ისევ ერთად ვიქნებით
მე მოვალ გპირდები, მე მოვალ გპირდები




ერთ სიცოცხლე კიდევ რომ მქონდეს
მე ავირჩევდი ისევ შენს ხელებს
ყოველ ნაბიჯზე შენი ხმა მომსდევს
ყოველ ნაბიჯზე შენს თავს მახსენებს

მინდა ცა ვიყო მე ყოველ ღამით
რომ გიყურებდე მრავალი თვალით
მინდა ცა ვიყო მე ყოველ ღამით
რომ გიყურებდე მრავალი თვალით

მე შენთან მოვალ და არა შენამდე
მოვალ მოგიტან ყვავილებს ზღვისფერს
შენი ფიქრები მხოლოდ მე მანდე
შენი თვალებიც ასე რომ მიმზერს

შენ გაიღიმე მე ეს მჭირდება
მე მოგცემ მიზეზს ამის
თუ შენ თვალებში კვლავ გაწვიმდება
არ შეგეშინდეს რამის