ესპანური მედია ქართული კრიმინალური დაჯგუფების წევრების დაკავების შესახებ წერს. გამოცემა eldiario.es ცნობით, დაკავებულია 17 პირი, რომლებიც, პოლიციის ინფორმაციით, ბარსელონასა და მადრიდში სახლებს ქურდავდნენ.

პოლიციის ცნობით, დაკავებულები ძირითადად საიუველირო ნაკეთობებს და ელექტროტექნიკას იპარავდნენ.

საქმეზე გამოძიება გასული წლის ოქტომბერში დაიწყო, როდესაც ბარსელონაში სამი პირის მიერ სახლის გაქურდვის შესახებ პოლიციაში ინფორმაცია შევიდა.

გამოცემა წერს, რომ თებერვალში, ამ დაჯგუფების მიერ დაგეგმილი ქურდობის ფაქტი აღიკვეთა და დააკავეს ოთხი ადამიანი.