ბანგლადეშში ვიზიტის ფარგლებში, საქართველოს პარლამენტის დელეგაცია ორმხრივ შეხვედრებს მართავს. ირაკლი კობახიძე ეთიოპიის ფედერაციული პალატის თავმჯდომარეს და ირლანდიის რესპუბლიკის სენატის თავმჯდომარეს შეხვდა.
ეთიოპიის ფედერაციული პალატის თავმჯდომარესთან გამართულ შეხვედრაზე ორ ქვეყანას შორის ურთიერთობის, მათ შორის, საერთაშორისო ფორმატში თანამშრომლობის შესახებ ისაუბრეს.
საქართველოსა და ირლანდიის რესპუბლიკას შორის არსებულ ურთიერთობისა და საპარლამენტთაშორისო თანამშრომლობის გააქტიურების შესახებ იმეჯლეს ირაკლი კობახიძემ და ირლანდიის რესპუბლიკის სენატის თავმჯდომარემ. შეხვედრაზე მიმოიხილეს ორ ქვეყანას შორის თანამშრომლობის სხვადასხვა სფერო, მათ შორის, ტურიზმის, ინფრასტრუქტურის, კულტურისა და განათლების მიმართულებით.
მხარეები მჭიდრო თანამშრომლობასა და გაცვლით ვიზიტებზე შეთანხმდნენ.