ბრაზილიური საფეხბურთო კლუბი "შაპეკოენსე“ სუდამერიკანას თასის გათამაშებისთვის ემზადება. პირველ საკვალიფიკაციო ეტაპზე "შაპეკოენსეს" კოლუმბიური "ატლეტიკო ნასიონალის" წინააღმდეგ მოუწევს თამაში.
შეგახსენებთ, რომ გასული წლის ნოემბერში ამავე ტურნირის გათამაშების ფინალში ამ გუნდებს უნდა გამოევლინათ ჩემპიონი, თუმცა კოლუმბიის ტერიტორიაზე "შაპეკოენსეს" თვითმფრინავმა კატასტროფა განიცადა, რის შედეგადაც ბორტზე მყოფი 77 მგზავრიდან, უმეტესობა დაიღუპა, მათ შორის გუნდის კაპიტანი კლებერ სანტანა, პრეზიდენტი სანდრო პარაოლო და ფეხბურთელების დიდი ნაწილი.
მიღებული გადაწყვეტილებით, "შაპეკოენსე" "სუდამერიკანას" თასის გამარჯვებულად გამოცხადდა. ეს გუნდი წლევანდელ გათამაშებას, მოქმედი ჩემპიონის რანგში დაიწყებს.
"შაპეს" და "ატლეტიკო ნაციონალის" პირველი მატჩი 5 აპრილს ბრაზილიაში შედგება, განმეორებითი კი 11 მაისს კოლუმბიაში ჩატარდება