ტელეკომპანია „რუსთავი 2" იძულებული გახდა ვებგვერდი შეეცვალა. თუ აქამდე ტელევიზიის ახალი ამბები იტვირთებოდა ინტერნეტ-რესურს rustavi2 com.-ზე, უკვე მეორე დღეა ეს სიახლეები rustavi2 ge.-ზე” იტვირთება.

როგორც აღმოჩნდა, პირველი გვერდი უკვე 17 წელია ტელეკომპანიის დამფუძნებლების დავით დვალისა და ჯარჯი აქიმიძის საკუთრებაშია.

დღეიდან აქიმიძე და დვალი გეგმავენ დომენი მათი საქმის მასალების გასავრცელებლად გამოიყენონ. კონკრეტულად კი იმ საქმის, რომელზეც წარმოება პროკურატურაში უკვე რამდენიმე წელია მიმდინარეობს, დამფუძნებლებისთვის ტელეკომპანიის იძულებით ჩამორთმევას გულისხმობს.