სახელმწიფო ინსტიტუტების დამოუკიდებლობა- გაძლიერებისა და არჩევითი თანამდებობების სიმრავლის აუცილებლობაზე გააკეთა ერთ-ერთი მთავარი აქცენტი საქართველოს პრეზიდენტმა სტუდენტებთან შეხვედრისას.
გიორგი მარგველაშვილი კამპანიის "კონსტიტუცია ყველასია" ფარგლებში ეთნიკური უმცირესობების წარმომადგენლებს შეხვდა. მათი მოსაზრებები მოისმინა და შეკითხვებს უპასუხა.
შეკითხვებს შორის იყო პრეზიდენტის არჩევითობის საკითხიც. გიორგი მარგველაშილის განცხადებით, პრეზიდენტის არჩევის ტრადიცია 25 წელს ითვლის და როდესაც საუბარია მის შეცვლაზე, აუცილებელია არ მხოლოდ მოდელების წარმოდგენა, არამედ არგუმენტირებული დასაბუთებაც.
პრეზიდენტმა ყურადღება თვითმმართველობის არჩევნებზეც გაამახვილა და აღნიშნა, რომ მხარს თვითმმართველი ქალაქების არა გაუქმებას, არამედ რაოდენობის გაზრდას უჭერს. შეკითხვები მოსმენების კანონსაც შეეხო.