იუსტიციის მინისტრის მოვალეობის შემსრულებელი, ადამიანის უფლებათა ევროპული სასამართლოს გადაწყვეტილებას კიდევ ერთხელ გამოეხმაურა და სტრასბურგში მოსამართლეობის კანდიდატების წარდგენის პროცედურები განმარტა.
ალექსანდრე ბარამიძის თქმით, პირველი აპრილის ნაცვლად, მთავრობას ევროპულ სასამართლოში ასარჩევი კანდიდატების სია 1 ივლისამდე წარედგინება.
ამ დროისთვის სტრასბურგის მოსამართლეობის კანდიდატთა სიაშია კონსტანტინე ვარძელაშვილი, საკონსტიტუციო სასამართლოს თავმჯდომარის ყოფილი მოადგილე და თამარ ალანია, იუსტიციის საბჭოს წევრი.
შეგახსენებთ, რომ სტრასბურგის ადამიანის უფლებათა ევროპულ სასამართლოში, საქართველოდან წარდგენილი მოსამართლეობის სამი კანდიდატიდან, ერთ-ერთი 2017 წლის იანვარში უნდა აერჩიათ, თუმცა სია ჩავარდა.