შინაგან საქმეთა სამინისტროს ინფორმაციით, 2016 წელს საქართველოში 35 997 რეგისტრირებული დანაშაული დაფიქსირდა, საიდანაც გაიხსნა 20 661, რაც დანაშაულთა 57,4 %-ს შეადგენს.

რაც ეხება საქართველოში რეგისტრირებულ დანაშაულს რეგიონების მიხედვით, დანაშაულთა 40,5 % დაფიქსირდა თბილისში, 8,3 % - ქვემო ქართლში, 3,1 % - გურიაში, 10,8 % - აჭარაში, 8,9 % -სამეგრელო-ზემო სვანეთში, 10,5 % - იმერეთში, რაჭა-ლეჩხუმსა და ქვემო სვანეთში, 3,2 % - სამცხე-ჯავახეთში, 5,4 % - შიდა ქართლში, 6,5 % - კახეთში, 2,7 % - მცხეთა-მთიანეთში, 0,1 % - ოკუპირებულ აფხაზეთში.

შსს-ს ინფორმაციით, გასულ წელს 2015 წელთან შედარებით, ქურდობის 418-ით მეტი შემთხვევა დაფიქსირდა. კერძოდ, 2015 წელს, შსს-ს მიერ რეგისტრირებული იყო ქურდობის 9 228 შემთხვევა, 2016 წელს ეს მაჩვენებელი 9 646-მდე გაიზარდა.

რაც ეხება ოჯახური ძალადობის შემთხვევებს, 2015 წელს ოჯახური ძალადობის 963, ხოლო 2016 წელს 1 356 შემთხვევა დაფიქსირდა.

ნარკოტიკების შეძენა, შენახვა ან გასაღების ფაქტების რაოდენობამ 361-ით მოიმატა. კერძოდ, 2015 წლის მონაცემებით, აღნიშნული კატეგორიის 2 112, 2016 წელს კი - 2 473 შემთხვევა დაფიქსირდა.

260-ით გაიზარდა კიბერდანაშაულის მაჩვენებელი - 2015 წელს - 240, 2016 – 500 შემთხვევა.

112-ით გაიზარდა ცივი იარაღის ტარების შემთხვევათა რაოდენობა - 2015 წელს - 159, 2016 წელს - 216. 2016 წელს მკვლელობის 3-ით მეტი ფაქტი დაფიქსირდა.

მაჩვენებელი შემცირებულია დანაშაულთა ისეთ კატეგორიაზე, როგორიცაა: ყაჩაღობა 2015 წელს - 367, ხოლო 2016 წელს - 267 შემთხვევა;

ძარცვა - 2015 წელს 437, 2016 წელს - 367;

ჯანმრთელობის განზრახ ნაკლებად მძიმე დაზიანება - 2015 წელს - 312, 2016 წელს - 250 შემთხვევა; ცეცხლსასროლი იარაღის მართლსაწინააღმდეგო შეძენა, შენახვა, ტარება - 2015 წელს - 1 604, 2016 წელს - 1 528;

ხულიგნობა - 2015 წელს - 132, 2016 წელს - 99.

მკვლელობის მცდელობა - 2015 წელს - 124, 2016 წელს - 87 შემთხვევა.