სამსახურში სექსუალური შევიწროების მიმართულებით, მოქალაქეების ცნობიერების ასამაღლებლად სპეციალური ელექტრონული კურსი შემუშავდა.

გაერო-ს ქალთა ფონდის მიერ შემუშავებული პროგრამა განთავსებულია სახალხო დამცველის სამსახურის ვებგვერდზე.

დოკუმენტი, დღეს, ხელისუფლების და სამოქალაქო საზოგადოების წარმომადგენლებს გააცნეს. როგორც პრეზენტაციაზე ორგანიზატორებმა განმარტეს, სექსუალური შევიწროების ფაქტების გამოვლენის და აღმოფხვრის მიმართულებით, საქართველოში არ არის გადადგმული შესაბამისი საკანონმდებლო ნაბიჯები და ცნობადობის ამაღლებასთან ერთად, აუცილებელია ცვლილებები შევიდეს შესაბამის კანონებში.