პოლკოვნიკ სერგო თეთრაძის წამების საქმეზე სასამართლოში სამხედრო პოლიციის ყოფილი უფროსი ლევან ზაქრაძე დაიკითხა.
რა ჩვენება მისცა მოწმემ უცნობია, სხდომა დახურულ რეჟიმში მიმდინარეობდა. პროცესის დახურვა ბრალდების მხარემ მოითხოვა იმ მოტივით, რომ მოწმის დაკითხვისას გაჟღერდებოდა სახელმწიფო საიდუმლოების შემცველი ინფორმაცია.
დაკითხვის შემდეგ, ზაქრაძეს მედიასთან კომენტარი არ გაუკეთებია. ბრალდებულ ბაჩო ახალაიას ადვოკატი ამბობს, რომ ზაქრაძემ ახალაიას ბრალის გამომრიცხავი ჩვენება მისცა. თუმცა ბრალდების მხარის ცნობით, ახალაიამ დაადასტურა, რომ ჯაშუშობის ბრალდებით, კონკრეტული პირების დაკავების ოპერაციას ხელმძღვანელობდა თავდაცვის ყოფილი მინისტრი ბაჩო ახალაია.
ახალაიასთან ერთად, გარდაცვლილი პოლკოვნიკის სერგო თეთრაძის საქმეზე ბრალი წარდგენილი აქვთ მეგის ქარდავას და ნიკოლოზ ძიმცეიშვილს, რომლებიც ამ დროისთვის მიმალვაში იმყოფებიან.