საქართველოს 23- წლამდე თავისუფალი სტილით მოჭიდავეთა ნაკრებმა უნგრეთში მიმდინარე ევროპის ჩემპიონატზე ორი ოქროს და ერთი ბრინჯაოს მედალი მოიპოვა.
ჩემპიონები ავთანდილ კენჭაძე და გივი მაჭარაშვილი გახდნენ. კენჭაძემ ფინალში საფრანგეთის ნაკრების წევრი, ზელიმხან ხაჯიევი დაამარცხა.
97 კილოგრამ წონით კატეგორიაში კი, გივი მაჭარაშვილმა გადამწყვეტ შეხვედრაში, რუსეთის წარმომადგენელი გიორგი გოგაევი დაძაბულ ბრძოლაში ბოლო წამებზე ბეჭებზე დააგდო და სუფთა გამარჯვება მოიპოვა.
ბრინჯაოს მედლის მფლობელი, ივერი ჯულაყიძე გახდა. ჩვენს მოჭიდავეებს, დღეს კიდევ სამი მედლის აღების შანსი აქვთ.
ტურნირის მოქმედი ჩემპიონი გენო პეტრიაშვილი ტიტულის დაცვას შეეცდება. ქართველი მძიმეწონოსანი ფინალში ბელორუ, ვიტალი პიასნიაკს დაუპირისპირდება. ბრინჯაოს მედლებისთვის კი შოთა ფარტენაძე და მირზა სხულუხია იბრძოლებენ