როჯერ ფედერერი მაიამის მასტერსის ტურნირის მეოთხედფინალში ითამაშებს. ლეგენდარულმა შვეიცარიელმა გუშინ ორსაათიან დაძაბულ შეხვედრაში ესპანელი რობერტო ბაუტისტა აგუტი დაამარცხა.

როჯერს ორივე სეტის მოგება ტაიბრეიკზე მოუწია. პირველში ტაიბრეკის პატარა ანგარიაშია 7-5 მეორესი კი 7-4.

35 წლის ფედერერის მომდევნო მეტოქე,ჩეხი ტომაშ ბერდიხი იქნება, რომელმაც თავის მხრივ, ასევე ორ სეტში აჯობა, ფრანგ ადრიენ მანარინოს. ეს მატჩი ხვალ თბილისის დროით საღამოს 7 საათზე დაიწყება.

გუშინვე შეჯიბრს მოულოდნელად გამოეთიაშა სტენ ვავრინკა, მსოფლიოს მესამე ჩოგბურთელმა გერმანიის წარმომადგენელ,ალექსანდრ ზვერევთან დათმო თამაში.

თავიდან ვავრინკამ საკმაოდ კარგად დაიწყო და პირველი სეტი 6-4 მოიგო, თუმცა მომდევნო ორში, კორტზე აღარაფერი გამოსდიოდა და 2-6 1-6 დამარცხდა. ზვერევი მეოთხედფინალში ნიკ კირგიოსს შეხვდება. შეგახსენებთ, რომ მაიამის ტურნირის საპრიზო ფონდი, დაახლოებით, 7 მილიონ დოლარს შეადგენს