ნაციონალური საკალათბურთო ასოციაციის რეგულარული სეზონი დასასრულს უახლოვდება. დღეს დილით მორიგი ტურის რამდენიმე შეხვედრა შედგა.

ცენტრალური მატჩი "ტოიოტა ცენტრში" გაიმართა, სადაც "ჰიუსტონ როკეტსმა" "გოლდენ სტეიტ უორიორზსს" უმასპინძლა. სტუმრები მთელი მატჩის განმავლობაში ლიდერობდნენ.

სტივ კერის გუნდმა პირველი მეოთხედი 37-20 მოიგო და ეს უპირატესობა თამაშის ბოლომდე ხელიდან აღარ გაუშვია, თუმცა ბოლოსკენ როკეტსმა 5 ქულამდე მიახლოვება შესძლო.

"გოლდენ სტეიტის" რიგებში ზაზა ფაჩულიამ 2 ქულა, სამი მოხსნა და 2 პასი გააკეთა. საუკეთესო კი ოკლენდურ გუნდში სტეფ კარი გახლდათ, რომელმაც 32 ქულა 10 მოხსნა და 7 შედეგიანი გადაცემა მიითვალა აქტივში.

ჰიუსტონში კი მორიგი სამმაგი დუბლი შეასრულა ჯეიმს ჰარდენმა. მისმა მონაგარმა 24 ქულა, 13 პასი და 11 მოხსნა შეადგინა. საბოლოოდ, "უორიორზმა" მატჩი,113-106 მოიგო და დასავლეთ კონფერენციაში ლიდერობას განაგრძობს. "ჰიუსტონ როკეტსი" კი მესამე ადგილზეა.

"გოლდენ სტეიტი" მორიგ შეხვედრას, სტუმრად სან ანტონიოს წინააღმდეგ გამართავს, ხოლო "ჰიუსტონი" "პორტლენდ ტრეილ ბლეიზერსს" შეხვდება