საქართველოს უვიზო რეჟიმის ამოქმედებას სოციალურ ქსელში ულოცავს ევროკომისარი სამეზობლო პოლიტიკისა და გაფართოების საკითხებში იოჰანეს ჰანი.
“გულწრფელად ვულოცავ საქართველოსა და მის მოქალაქეებს უვიზოდ მოგზაურობის შესაძლებლობას, რომელიც ძალაში დღეიდან შედის” – ვკითხულობთ მის გვერდზე.
ევროკავშირის საბჭო საქართველოსთვის უვიზო მიმოსვლის რეჟიმის ამოქმედებას „ტვიტერის“ გვერდზე ეხმაურება.
„საქართველოს მოქალაქეებს აღარ სჭირდებათ ვიზა მოკლევადიანი მოგზაურობისთვის ევროკავშირში. ეს შესაძლებელი გახდა ახალი რეგულაციის წყალობით, რომელიც დღეიდან შევიდა ძალაში“, - ნათქვამია ევროკავშირის საბჭოს განცხადებაში.
მილოცვის წერილს აქვეყნებს ლიტვის პრეზიდენტი. საქართველოს უვიზო რეჟიმის მიღებას ულოცავს ლიტვის საგარეო საქმეთა მინისტრი, ლინას ლინკევიჩუსიც.