„კინოდოკუმენტალისტების და სამოქალაქო საზოგადოების პარტნიორობის ახალი შესაძლებლობები“,- ამ სახელწოდებით ფონდმა „ღია საზოგადოება-საქართველო“ პრესკონფერენცია გამართა.

ახალი პროექტი სამოქალაქო საზოგადოების ორგანიზაციებს საშუალებას მისცემს, იპოვონ დაინტერესებული რეჟისორები, პროდიუსერები და მათი დახმარებით შექმნან დოკუმენტური ფილმები ადამიანის უფლებებზე, გარემოს დაცვასთან დაკავშირებულ საკითხებსა და სამოქალაქო ცნობიერების ამაღლებაზე.

პროექტში მონაწილეობის საშუალება აქვს ყველა რეჟისორს და პროდიუსერს, რომლებიც დაინტერესებულნი არიან აღნიშნული თემით და განხორციელებული აქვთ ერთი აუდიოვიზუალური პროექტი მაინც.