მარტი 22, 2017
147
ახალგაზრდა ქართველი მოკრივეების წარმატება რუმინეთში.
ქალაქ ბრაილში გამართულ კონტინენტის პირველობაზე 22 წლამდელთა შორის, საქართველოს ნაკრების ანგარიშზე ოქროს და ვერცხლის მედალია.
ჩემპიონი 69 კილოგრამ წონით კატეგორიაში, ესკერხან მადიევი გახდა. თბილისელმა მოკრივემ ფინალში რუსი მოწინააღმდეგე, ვლადისლავ სევასტიანოვი დაამარცხა და შეჯიბრის ტრიუმფატორი გახდა.
ჩვენს დელეგაციას ვერცხლის მედალი ლაშა გურულმა შესძინა, რომელმაც ფინალამდე ოთხი ორთაბრძოლა მოიგო, გადამწყვეტი დაპირისპირება კი ბრიტანელ ლუკ მაკკორმიკთან დათმო.
ქართველი მოკრივეები რუმინეთიდან დღეს დაბრუნდნენ, რომლებსაც თბილისის საერთაშორისო აეროპორტში ჩვენი გადამღები ჯგუფიც დახვდა.
მაჩვენე მეტი