საბანკო ბაზარზე ახალი მოთამაშე შევიდა. მიკროსაფინანსო ორგანიზაცია კრედო, ოპერირებას "კრედო ბანკის" სახელით გააგრძელებს.

კომპანიას 2014 წლიდან ინვესტორთა კონსორციუმი ფლობს, ეროვნულმა ბანკმა შესაბამისი ლიცენზია უკვე გასცა.

"კრედო ბანკის" საზედამხედველო კაპიტალი, დაახლოებით 120 მილიონ ლარს შეადგენს, ხოლო აქტივების ზომის მიხედვით, საბანკო სექტორში მე-10 პოზიციას დაიკავებს.

შედეგად საქართველოს საბანკო სექტორი უკვე 17 კომერციული ბანკითაა წარმოდგენილი.