ძლიერი ქარის შედეგად, სამტრედიის ქუჩაზე სახლის სახურავიდან სამშენებლო მასალა ჩამოვარდა, რომელიც ავტომობილს დაეცა და დააზიანა.
ადგილზე ამ დრომდე მუშაობენ საგანგებო სიტუაციების მართვის სააგენტოს წარმომადგენლები.
სააგენტოს პრესსამსახურის ცნობით, დღის მეორე ნახევარში, ძლიერი ქარის გამო, გამოძახებებმა იმატა და დედაქალაქის თითქმის ყველა უბნიდან დაფიქსირდა.
ამ დროისთვის დაშავებულთა შესახებ ინფორმაცია არ არსებობს.
ქალაქში გატარდა პრევენციული ღონისძიებებიც - მოიჭრა რამდენი გამხმარი ხე, რომლის წაქცევის საფრთხეც არსებობდა.
შეგახსენებთ, თბილისში ქარის სიმძლავრემ რამდენიმე საათის წინ გრიგალის ნიშნულს მიაღწია, თუმცა სინოპტიკოსების განცხადებით, პიკი გადავლილია. მათივე თქმით, აღმოსავლეთ საქართველოში ძლიერი ქარი შენარჩუნდება, რომლის სიმძლავრე ხვალ, დღის მეორე ნახევრიდან შესუსტდება.