თბილისში გარევაჭრობის აკრძალვა პერმანენტულ სახეს მიიღებს. ამის შესახებ მოამბესთან საუბრისას თბილისის ზედამხედველობის საქალაქო სამსახურის ხელმძღვანელმა განაცხადა.

გიორგი უკლებას თქმით, მეტროსადგურ მარჯანიშვილის მიმდებარე ტერიტორიის შემდეგ გარევაჭრობისგან გათავისუფლდება კოლმეურნეობის მოედანი. შემდეგ კი ეტაპობრივად მთელი თბილისის ტერიტორიასაც მოიცავენ.

ზედამხედველობის სამსახურში ამბობენ, რომ დაგეგმილი ღონისძიებები ხელს შეუწყობს ქალაქში სანიტარული ნორმების დაცვას.