რუსთავში ხანძრის შედეგად 22 წლის ახალგაზრდა გარდაიცვალა.

„მოამბის“ ჟურნალისტის ინფორმაციით, ცეცხლი ქვის გადამამუშავებელ საამქროსთან მდგომ დარაჯისთვის განკუთვნილ ვაგონს გაუჩნდა.

ჯერჯერობით უცნობია, რამ გამოიწვია ცეცხლის გაჩენა.

ამ წუთებში ადგილზე ექსპერტ-კრიმინალისტები მუშაობენ.

როგორც საზოგადოებრივ მაუწყებელს შინაგან საქმეთა სამინისტროში განუცხადეს, ფაქტზე გამოძიება სისხლის სამართლის კოდექსის 187-ე მუხლის მე-3 ნაწილით მიმდინარეობს, რაც გულისხმობს ნივთის დაზიანებას ან განადგურებას, რამაც ადამიანის სიცოცხლის მოსპობა გამოიწვია.