მსოფლიო ფეხბურთი ლეგენდა, დიეგო მარადონა სამხრეთ კორეაში იმყოფება. არგენტინელის ვიზიტის მიზანი, სამხრეთ კორეაში ფეხბურთის პოპულარიზაცია და 20 წლამდელთა მსოფლიოს ჩემპიონატის ფინალური ეტაპის წილისყრაში მონაწილეობაა.

მარადონამ საჩვენებელ მატჩშიც მიიღო მონაწილეობა, რომელშიც ორი გოლის გატანაც შესძლო. ერთ ეპიზოდში კი ბურთის გატანა ხელითაც სცადა, ზუსტად ისე, როგორც 1986 წლის მუნდიალის თამაშში ინგლისელთა წინააღმდეგ.

რაც შეეხება კენჭისყრას, დიეგომ თავისი ქვეყნის 20 წლამდელთა ნაკრები “ა:” ჯგუფში მოახვედრა, სადაც არგენტინელთა მეტოქეები სამხრეთ კორეის, გვინეის და ინგლისის ნაკრებები იქნებიან.