პირდაპირი წესი, პარლამენტი თუ ამომრჩეველთა კოლეგია: საკონსტიტუცია კომისია პრეზიდენტის არჩევის საკითხს კიდევ ერთხელ უბრუნდება.
თუ სამუშაო ჯგუფი ვახტანგ ხმალაძის მიერ მომზადებულ ინიციატივას მხარს დაუჭერს, სახელმწიფოს მეთაური შესაძლოა 300-კაციანმა კოლეგიამ აირჩიოს.
შეთავაზებული წინადადებით, ამომრჩეველთა კოლეგია პარლამენტის გარდა აჭარის და აფხაზეთის უმაღლესი საბჭოების და თვითმმართველობითი ორგანოების წევრებით იქნება წარმოდგენილი.
მმართველი გუნდი ხმალაძის ინიციატივის მხარდაჭერას არ გამორიცხავს. საპარლამენტო მმართველობის არგუმენტით ამომრჩეველთა კოლეგიის იდეა მოსწონს კონსტიტუციონალისტების ნაწილსაც, თუმცა წინადადებას მოწინააღმდეგეებიც ჰყავს.
შეიცვლება თუ არა ქვეყნის უზენაეს კანონში პრეზიდენტის არჩევასთან დაკავშირებული ჩანაწერი: კენჭისყრაზე გატანამდე კომისია იდეის ავტორისგან ინიციატივის ზუსტ ფორმულირებას ელის.