საკრებულოს ორი დეპუტატი მთავარ პროკურატურას გამოძიების გაჭიანურებაში ადანაშაულებს. პრეტენზიები იმ ძიებას ეხება, რომელიც შოთაძის უწყებაში ყაზბეგის გამზირზე მოჭრილი ხეების გამო დაიწყო.

საგამოძიებო უწყება უკვე მეშვიდე თვეა არკვევს, მოიჭრა თუ არა მშენებარე კორპუსის ტერიტორიაზე ჯანსაღი ხეები.

თავის დროზე ფაქტს საპროტესტო გამოსვლები და მერიის განმარტებები მოჰყვა. შესაძლოა პროკურატურას საქმის აღძვრა კიდევ ერთ მსგავს შემთხვევაზე მოუხდეს. აგლაძის ქუჩის მოსახლეობა კერძო პირს ხეების უნებართვოდ მოჭრაში სდებს ბრალს. შემთხვევას უკვე სწავლობენ მერიაში.