დღეს გამთენიისას ნაციონალური საკალათბურთო ასოციაციის რეგულარული სეზონის რამდენიმე მატჩი გაიმართა.

ერთ-ერთი პრინციპული დაპირისპირება "ენერჯი სალიუშან ცენტრში" შედგა, სადაც "იუტა ჯაზმა" "ლოს ანჯელეს კლიპერსს" უმაპინძლა. ეს გუნდები დასავლეთ კონფერენციაში მეოთხე, მეხუთე ადგილებს ინაწილებენ და მათ შორის სხვაობა მხოლოდ ერთ მოგებას შეადგენს.

თამაში აბსოლუტურად თანაბარი გამოდგა, სოლიდური სხვაობით დაწინაურებას ვერც ერთი კლუბი ვერ ახერხებდა.

ბოლოსკენ მასპინძლებმა უკეთ ითამაშეს და 6 ქულის სხვაობით, ანგარიშით 114-108 გაიმარჯვეს. ჯაზმენებში საუკეთესო 27 ქულით გორდონ ჰეივორდი იყო.

კლიპერსს კი 33 ქულით 7 პასით და 6 მოხსნით კრის პოლი ულიდერობდა. ამ მოგებით იუტა ჯაზმა მეოთხე პოზიცია შეინარჩუნა.