მარტი 14, 2017
124
ფარული მიყურადების შესახებ კანონს პრეზიდენტმა შესაძლოა მესამედ დაადოს ვეტო. გიორგი მარგველაშვილის მორიგ ვეტოზე ,,ევროპული საქართველოს” ლიდერები საუბრობენ, რომლებიც დღეს ავლაბრის სასახლეში იმყოფებოდნენ.
სადავო კანონის გარშემო პრეზიდენტმა პოლიტიკურ ძალებთან კონსულტაციები დაიწყო. ოპოზიციური პარტიების პროტესტი ძირითადად დოკუმენტის იმ ნაწილს უკავშირდება, რომლის მიხედვით, მოსმენების განმახორციელებელი ოპერატიულ-ტექნიკური სამსახური სუსის დაქვემდებარებაში იქნება.
პრეზიდენტის ადმინისტრაცია საკუთარ გეგმაზე ჯერ არ საუბრობს, თუმცა ადასტურებს, რომ მმართველი გუნდის დეპუტატების მიერ მომზადებული კანონპროექტის მიმართ შენიშვნები აქვს.
ვეტო თუ ხელმოწერა - გიორგი მარგველაშვილს მოსაფიქრებლად ერთი კვირა რჩება.
მაჩვენე მეტი