13-საათიანი მღელვარების ქრონოლოგია. 11-12 მარტის მძიმე მოვლენებს „მოამბესთან” თვითმხილველები იხსენებენ: ადამიანები, რომელთა თვალწინ დაწყებული საპროტესტო გამოსვლა მალევე ძალადობასა და ვანდალიზმში გადაიზარდა.

ჩვენი რესპონდენტები ჰყვებიან, რომ ჯერ ჭავჭავაძის გამზირზე, შემდეგ კი აჭარის პოლიციის სამმართველოსთან შეკრებილები განსაკუთრებული აგრესიულობით გამოირჩეოდნენ.

დაპირისპირება, რომელიც მოქალაქესა და პატრულის თანამშრომელს შორის უთანხმოებით დაიწყო და ქვების სროლით, ცრემლსადენი გაზით, მანქანების დაწვით და ინფრასტრუქტურის განადგურებით დასრულდა.

სალომე ქოქიაშვილის რეპორტაჟი არეულობის ეპიცენტრიდან, რომელსაც ვანდალიზმის კვალი ჯერ ისევ ამჩნევია.