ხვალიდან ისლანდია ქვეყანაში კაპიტალის შესვლის და გასვლის კონტროლს წყვეტს, რომელიც 2008 წლის ფინანსური კრიზისის დროს შემოიღო, როდესაც ქვეყნის უმსხვილესი ბანკები გაკოტრდნენ და ეროვნული ვალუტა კრონა მკვეთრად გაუფასურდა.

მთავრობა თვლის, რომ ეკონომიკა უკვე საკმარისად გაჯანსაღდა და კაპიტალის მოძრაობის გაკონტროლება აუცილებელი აღარ არის. ინვესტიციებისა და ტურიზმის ზრდის წყალობით, მხოლოდ გასულ წელს, ისლანდიის ეკონომიკამ 7.2-პროცენტიანი ზრდა აჩვენა.

კაპიტალის კონტროლის მოხსნა ასევე ნიშნავს, რომ ისლანდია საერთაშორისო ფინანსურ ბაზარზე ბრუნდება.