ოკუპირებულ აფხაზეთში ე.წ. საპარლამენტო არჩევნები მიმდინარეობს.

მეექვსე მოწვევის დე ფაქტო პარლამენტის ფორმირებისთვის, რეგიონის მასშტაბით, 35 ერთმანდატიანი ოლქიდან წარმომადგენელს ირჩევენ.

გამარჯვებისთვის კანდიდატმა 50 პროცენტს + 1 ხმა უნდა მოაგროვოს. წინააღმდეგ შემთხვევაში კი არჩევნების მეორე ტური 2 კვირაში გაიმართება.

საარჩევნო უბანი გახსნილია გალის რაიონშიც, სადაც 50 ათასამდე მოსახლიდან, არჩევნებში საკუთარი პოზიციის დაფიქსირება მხოლოდ რამდენიმე ასეულ ადამიანს შეუძლია.

ე.წ. საარჩევნო კომისიის თავმჯდომარის განცხადებით, დილის საათებში, საარჩევნო უბნებზე მაღალი აქტივობა დაფიქსირდა.

ე.წ. არჩევნების პირველადი შედეგები 21 საათისთვის გამოცხადდება.