ცნობილი ქართველი საოპერო ვარსკვლავი ნინო მაჩაიძე თბილისშია და ნიკოლოზ რაჭველთან ერთად კონცერტისთვის ემზადება.
ოპერისა და ბალეტის თეატრში დაგეგმილი საღამო, გაერო-ს ბავშვთა ფონდის კამპანიის ნაწილი იქნება.
„დაინახე ყველაფერი” – ასეთია „იუნისეფის“ პროექტის სლოგანი, რომელიც შეზღუდული შესაძლებლობის მქონე ბავშვებისა და ახალგაზრდების მიმართ დამოკიდებულების შეცვლასა და სტიგმების დაძლევას ისახავს მიზნად.
ორგანყოფილებიანი კონცერტის პირველ ნაწილში, ქართველი კომპოზიტორების ბიძინა კვერნაძის, გია ყანჩელისა და ენრი ლოლაშვილის ნაწარმოებები შესრულდება, რის შემდეგაც მაყურებელი მსოფლიო საოპერო შედევრებს ნინო მაჩაიძის შესრულებით მოისმენს.
საღამოს სტუმარი იქნება ალტისტი გიორგი ცაგარელი. კონცერტი 13 მარტს არის ჩანიშნული.