რეფინანსირების განაკვეთზე მიბმული სესხები მაისამდე არ გაძვირდება - ეროვნულმა ბანკმა მონეტარული პოლიტიკა არ გაამკაცრა. კომიტეტის სხდომაზე, 4-საათიანი მსჯელობის შემდეგ, რეფინანსირების განაკვეთის შენარჩუნების გადაწყვეტილება მიიღეს.

ძირითადი განაკვეთი კვლავ 6,75 %-ზე დარჩა. "მიუხედავად იმისა, რომ ეროვნული ბანკი კვლავ მიზანშეწონილად მიიჩნევს წლის პირველ ნახევარში პოლიტიკის განაკვეთის 7%-მდე ზრდას, ამ ეტაპზე, ტენდენციების უკეთ გამოკვეთამდე, კომიტეტმა თავი შეიკავა პოლიტიკის განაკვეთის ცვლილებისგან", - ნათქვამია ბანკის განცხადებაში. მონეტარული პოლიტიკის კომიტეტის შემდეგი სხდომა 2 მაისს გაიმართება.