სარკინიგზო ავარია შეერთებულ შტატებში. ოთხი ადამიანი დაიღუპა და ათობით დაშავდა მისისიპის ქალაქ ბილოქსიში, სატვირთო მატარებლის ავტობუსთან შეჯახების შედეგად.

ჯერჯერობით დაუდგენელი მიზეზის გამო, მგზავრებით სავსე ავტობუსი სარკინიგზო გადასასვლელზე გაიჭედა, მომავალმა მატარებელმა კი დამუხრუჭება ვერ შეძლო და სატრანსპორტო საშუალება 100 მეტრის მანძილზე გაიყოლა.

ავტობუსში სულ 50-მდე მგზავრი იმყოფებოდა. ისინი შეჯახებამდე სატრანსპორტო საშუალების დატოვებას ცდილობდნენ.